Tailerra hiru multzotan banatuko da:
1) DESINHIBITZEA: joku tradizionalak, talde dinamikak eta rol jokuen bitartez eszenatokian dibertitzeko gaitasuna eta, norberaren nahiz taldearekiko, konfidantza landuko ditugu.
2) TEKNIKA: pertsonai sorkuntza eta inprobisazio tekniketatik abiatuz eta gorputz eta ahots ariketen bitartez, antzerkiaren funtsezko tresnak ezagutuko ditugu.
3) EMANALDIA: arestian lortutako ezagutzak praktikan jarriko ditugu ikuskizun baten emanaldiarekin, aldi berean, ezagutza berriak lortuz.
(Guzti hau musikak, arte plastikoek eta dantzak eskeintzen dituzten aukerekin lagunduta)
HELBURUAK:
1. Autoestimazioa sendotu.
2. Jolasarekin gozatu.
3. Norberak sortzeko, irudikatzeko eta amesteko gaitasuna garatu.
4. Bakoitzak bere buruarekin nahiz taldearekin gustora egoteko lekua sortu.
5. Gure gorputza eta ahotsa ezagutzen hasi.
6. Taldean lan egiten ikasi.
7. Komunikatzeko eta entzuteko gaitasuna sustatu eta garatu.
8. Publiko aurrean prestatutako ikuskizuna antzeztu.
NORI ZUZENDUTA DAGO?
- Antzerkia interesatzen zaien eta 10 urtetik gora daukaten pertsona ororentzat.
- Taldea gutxienez 7 eta gehienez 20 lagunek osatuko dute, erabiliko den espazioa kontutan harturik.
- Tailerrak 9 hilabeteko iraupena izango du, hala ere, 3 edo 6 hilabetera ere moldatu daiteke.
- Leku zabal eta itxia, jendea erraztasunez mugitu eta aske desinhibitu ahal izateko.
- Entsegu orokorrak, azkeneko bi saioak gutxienez, ikuskizuna antzeztuko den leku berean egin ahal izatea.
- Musika- erreproduzitzailea eta material biguineko (plastikoa, goma- aparra) baloia.
- Plastika ekintzentzat boligrafoak, papera edota fotokopiak.
